22 Mpandula 2023
Ngu Siphathisiwe Ncube
𝗔𝗕𝗔𝗟𝗜𝗠𝗜-beManama bajabule bamanzi nte, ngemva kokuvulwa okusemthethweni kweAnimal Health Centre, ezabaphathisa ekugcineni imithi, amajekiseni enkomo lezilimo, kulowo mhlubulo.
Lesisakhiwo sakhelwe emavinkilini e
Manama njalo sizanceda iziqinti zonke zeMatabeleland South, eziyi sikhombisa.
Isakhiwo lesi sakhiwe nguhulumende exhasane lengatsha ezizimele zodwa, kujongwe ukuthuthukisa indlela zokuphilisa izifuyo le zilimo zabalimi kuzigaba ezitshiyeneyo. Indawo le izancedisa njalo ngokunika ulwazi olujulileyo ekuvikeleni impahla zabo.
Umhlubulo weZansi yemaNdebeleni waziwa kakhulu kuyindawo yokulima lokufuya kungakho inengi labantu abakulowomhlubulo baziphilisa ngokulima lokufuya. Kusuke kwabalobunzima eminyakeni edluleyo lapho abafuyi kanye labalimi sebalahlekelwe zimpahla zabo ngenxa yokuguquka komkhathi, ukusweleka kolwazi kwezokufuya, kanye lokusweka kwemithi.
Uhulumende exhasane lezinye ingatsha ukubone kufanele ukuba isigaba seZansi yemaNdebeleni sithole lesisakhiwo esizagcina imithi siphathise abalimi ngendlela ephezulu ekulondolozeni izifuyo zayo. Lesisakhiwo sizayenza isiqiniseko sokuba imithi lamajekiseni kuyahlala kukhona ukuze abafuyi bengalahlekelwa yizifuyo zabo njengeminyakeni edluleyo. Ngokunjalo abalimisi bazaphathisa ngolwazi olujulileyo kubafuyi laba limi ukuze balondoloze izifuyo yakhe.
Isakhamuzi sesigabeni seManama uMnumzana Colleen Mabetha ubonise ukujabula kakhulu ngalesisakhiwo esizabasiza kundleko zemali lapho bengasadingi ukuba babambe umango omude bedinga imithi lamajekiseni ezifuyo zabo.
“Siyajabula njalo silokubonga ngalesi sakhiwo besithwala nzima masifuna imithi yezifuyo, besihamba edolobheni laseGwanda ukuze Sithole usizo. Lokhu bekusibulala ngendleko zemali yokuhamba okwamanje siyajabula ukuba sesizafinyelela lula sithole lokuphathiswa langabalimisi. Lindawo izasisiza masithenga amajekiseni lawa okumele esetshenziswe eqanda ehlala emafirijini. Bekunzima ukusuka uthenge umuthi onjalo eGwanda usiza fika ekhaya uyabe ungasaqandi, tholukuthi awusasebenzi ngendlela ngoba ungasaqandi kodwa okwakathesi sekuzabalula sesithenga eduze. Lathi njengabafuyi sekusinika umdladla wokuthi sifuye siqinile sinakekele izifuyo zethu ukuze zande lathi sithuthuke. Kwelakithi izifuyo yibhanga njalo yisiphala sethu.” kubika uMabetha.
Umsekeli kugatsha olukhangele ngezomhlabathi, ezokulima lokufuya, amanzi Kanye lezentuthuko emaphandleni uMhlonitshwa Davis Marapira obekulombuthano uthe iManama Animal Health Management Centre izaletha intuthuko esigabeni kanye lokwanda kwemhlambi esigabeni seZansi yemaNdebeleni . Ukhuthaze njalo abalimi ukuba bayisebenzise lindawo bexhumana labalimisi ukuze bathuthukise impilo zabo.
“Ngokuqhuba loluhlelo sikhangelele ukuba kube lokwanda kwezifuyo okuzaletha intuthuko ezigabeni. Inhlelo ezihambisana lokulima lokufuya zilusizo kakhulu elizweni leZimbabwe ngoba zivula amathuba amanengi emsebenzi. Lesisakhiwo sizakuba lusizo kakhulu ngoba sinanzelela ukuba zonke izakhamizi ziphila ngikufuya lango kulima njalo bazathola usizo kulesisakhiwo,” kutsho uMarapira
Okhangele ingqubekela phambili lentuthuko eZansi yemaNdebeleni uDr Evelyn Ndlovu uthe uzasebenza gadala ukuba iMatabeleland South ibuyele ukuba yintshatshu kwezokufuya njengaphambilini.———𝐍𝐌𝐂𝐑|𝟗𝟕.𝟎
Labo abafuna uku Advertiser amabhizimusi abo lingasithinta kulezi nombolo, 𝗖𝗮𝗹𝗹𝘀:0772462909. 𝗪𝗵𝗮𝘁𝘀𝗔𝗽𝗽
0779308003.𝗲𝗺𝗮𝗶𝗹:ntepemana@gmail.com.
Hlaba i link elandelayo ukuze ungene ku WhatsApp Group yethu
https://chat.whatsapp.com/J355YkVmFw5FR1tJ9uPkS9
We welcome your feedback, comments and suggestions contact us via WhatsApp on 0711430100.
