Ngu Siphathisiwe Ncube
https://chat.whatsapp.com/J355YkVmFw5FR1tJ9uPkS9
Ugogo uMthowana Moyo ocatshangelwa ukuba ngomunye wabantu abaphile iminyaka emide lapha kweleZimbabwe ubekiwe ngoMvulo emzini wakhe eZhokwe ngaphansi kwenduna uNhlamba, ngemva kokuphila iminyaka elikhulu eliletshumi lanhlanu (115).
Umuyi Moyo wazalwa ngomnyaka 1909, ubelabantwana abayisithupha, amajaha emabili lamantombazana amane. Izibulo lakhe ngelomnyaka ka 1928.
Ugogo utshiye isizwe ngemva kokubalabazukulu abangamatshumi amathathu lanye(31) lezizukukulwana ezingamakhulu amathathu lasikhombisa( 307). Lokhu kuchaza ukuba ubeselabazukulu lezizukulwane ezingamakhulu amathathu lamatshumi amathathu alesitshiyagalombili(338).
UBishop John Pindi Moyo okhokhela ibandla lapho ugogo Moyo abekhonza khona njalo eyisihlobo siyamuyi uthe ugogo ubengumuntu ozalelwe esontweni.
“UGogo ubengubabakazi wami, uzalelwe esontweni, ngokuhamba kwesikhathi esekhulile laye wagijigijima ngezomhlaba kodwa esikuthabelayo yikuthi ngomnyaka ka2001 waphenduka esontweni waqala ukukhonza kwaze kwafika usuku lwakhe lokucina emhlabeni,” kutsho umfundisi uMoyo.
UThabelani Sibanda(43) isizukulwane sika gogo uthe ukhuliswe ngothando njalo ubengahlukanisi muntu wonke umuntu kuye bekungumzukulu. Uthe ugogo ubebalimukisa kakhulu entweni ezinengi zomhlaba kungakho labo yikho bekhule baba ngamadoda aqotho.
” Ugogo ubelothando kithi sonke engakhethi muntu. Ubesikhuthaza njalo esifundisa ngempilo esifundisa ukuba sihlukane lezidakamizwa sikhule sisezandleni zeNkosi. Ubeqinisa isandla njalo ukuthi sidle ukudla kwesintu ethi yikho okuqinisa umzimba esilethemba ukuba kungakho siphilile njalo siqinile kungenxa yokulalela izeluleko zikagogo.”
“Sibuthene sonkeni silapha emfeni kaGogo asikhali kodwa ke siyajabula sijabulela impilo ende ephilwe ngugogo wethu. Ngobunengi esiyibo bona singabazukulu lezizukulwane besesingazani kodwa lumbuthano usihlanganisile njengabazukulu bakagogo Moyo. Ugogo ubekwazi ukukhuluma ulimi lwesijahunda kodwa bekungasela muntu angaxoxa ngaye lolo limi, lokhu kugcwalisa ukuthi empeleni ubesemdala kakhulu,” kutsho uSibanda.
Ugogo ubephila ngokudla kwesintu, izihlahla zaseNdle, betshona esenza imisebenz yenzandla ukuze amadolo akhe aqine.NMCR97.0
Labo abafuna uku Advertiser amabhizimusi abo lingasithinta kulezi nombolo, 𝗖𝗮𝗹𝗹𝘀:0772462909. 𝗪𝗵𝗮𝘁𝘀𝗔𝗽𝗽
0779308003.𝗲𝗺𝗮𝗶𝗹:ntepemana@gmail.com.
Hlaba i link elandelayo ukuze ungene ku WhatsApp Group yethu
https://chat.whatsapp.com/J355YkVmFw5FR1tJ9uPkS9
We welcome your feedback, comments and suggestions contact us via WhatsApp on 0711430100
