Ngu Liberty Mutamba

Obekumele kube yibusuku bokuzithokozisa kubantu abathanda amachacho lezigingci akusahamba ngendlela ngemva kokuba kusuke kwaba lokungqikilana phakathi kwabantu.
Ukungena kuka Young Stunner enkundleni, abantu batshengise ukujabula lokuthoza okukhulu. Esabamba umumo wendawo abantu ababili omunye obekundaweni ye VIP lomunye obeku General baqala
ukulwa betshayana ngamabhodlela. Lapho ke kusuke kwavuka uthuli yilapho okuqale umsindo ovungame wabamba indawo yonke.
Umsindo loo odalwe ngabantu wenze ukuba uYoung Stunna ame ukuthokozisa abantu okwesikhatshana. Kubikwa ukuba abanye balimele ngenxa yalesisehlakalo .2 as
Kuthe sekuse mathathakusa uYoung Stunna waphinda wabuyela enkundleni enandisa ihlekana labantu akade besele.
Iziphathamandla ze Phoenix Tshisanyama sezikhuphe incwadi bexolisa ngesahlakalo lesi.
“Sithanda ukuxolisa ngesehlakalo lesi esokuphoswa kwamabhodlela. Lesisenzo asikho sihle njalo thina siqakathekisa ukuphepha kwabantu bonke. Sixwayisa abantu ukuthi bathathe izeluleko zama pholisa labonogada. Lapha siqakathekisa ukuthula lokuzwana kwabantu,” kubika iTshisanyama.
Phambilini abantu basuka bebaleka eMosa House lapho okwakunandisa khona uDj Zandimaz. Kwabalomuntu owadunga umoya abantu bahitshwa okwenza ukuthi umcimbi uphelele endleleni.

