26 Lwezi 2024
Ngu Reaboka Nare
GWANDA SOUTH-Izakhamizi zeGungwe zilokuthokoza ngomsebeni omuhle oqhutshwe esigabeni sabo owokwakhiwa kwedamu bencediswa yiGwanda Community Share Ownership Trust okukhangelelwe ukuthi kwephule udubo lokuswelakala kwamanzi esigabeni sabo.
Idamu le Gungwe eladabuka ngomnyaka ka 2016 selisemaphethelweni ukuthi liphele.
UBekezela Nyathi oyisakhamuzi eGungwe uthe ulokuthokoza okukhulu ngengqubekela phambili esibekhona esigabeni sakhe.
“Sithanda ukubonga kakhulu ngomsebezi omuhle osufezekile owakwakhiwa kwedamu lethu lokhu sokuzaveza amathuba amanengi owokuthi sidinge imali. Sesizenelisa ukuvusa izingadi zethu siqalise ukulima imibhida sithengise sithole imali yokuphilisa imuli zethu,” kusitsho unkosazana Nyathi.
UReason Ndlovu ongomunye wabasakhulayo esigabeni uthe ukwakhiwa kwedamu kuzabavulela amathuba okuziphilisa.
“Ngilokuthokoza okukhulu ngoba sesizaqala ukutshaya izitina zodaka esizazithengisa sithole inzuzo yemali sibuye senelise uzakhela imizi yethu njalo sibhadale lendleko zabantwana bethu ezikolweni,” kusitsho umnunzana Ndlovu.
UFelicty Ncube obeqhatshiwe ekwakhiweni kwedamu uthe ukwakhiwa kwedamu kumguqulele impilo yakhe.
“Ngilokuthokoza okukhulu ngoba sike sathola ithuba lokusebenza sathola imali saphucukisa imizi yakwethu. Sibuye sathola imfundo esizasala siyihlephunela abasakhulayo njenge lifa. Ngithanda ukubonga abe Gwanda Community Share Ownership Trust ngomsebezi omuhle abasenzele wona njenge sigaba sikaMathe,” kusitsho umnu Ncube.
UNgwenya obenguye obekhangele ukuqhutshwa komsebenzi wokwakhiwa kwedamu ubonge ukuzimisela kwabantu ekuphicukiseni isigaba sabo.
“Ngithanda ukubonga ngendlela isigaba seGungwe esiziphatha ngayo asizange sahlangana lenhlupho sisaqhuba umsebenzi lowu. Abantu basebenze ngokuzikhandla kanye lenhlonipho siyakubonga kakhulu lokhu abakwenzileyo,” kusitsho umnu Ngwenya.
Uqhubeke ekhuthaza abatsha ukuthi bephathe kuhle idamu labo ukuze basizakale.
“Sikhuthaza abasakhulayo bengabi beqansa besehla ngombhundu wedamu ngoba bazacina bevula indlela embundwini”.
Umsakazo kazulu uxhumane lo Mateu Dale ongumkhokheli kwezomdabu kulowomango othe inhliziyo zimhlophe ngesenzo lesi.
“Ngilokuthokoza ngoba izifuyo sezizathola amanzi okunatha, izikotsho ngeke zisayandelwa ngoba abantu bezathola amanzi edamu. Omama abasakhulayo sebazavuselela ingadi zabo belime imibhida baziphilise kunye lemuli zabo,” kusitsho umnunzana Dale.
UBrain Nyathi onguKhansila uthe utshintsho seluzaba khona esigabeni.
“Idamu selise maphethelweni ukwakhiwa sekuzaba lotshintsho olunengi kakhulu esigabeni ngoba abantu sebazavuselela izingadi lenkomo ngeke zaswela amanzi. Izikotsho eziduzane ledamu azisoze zaphela amanzi ngoba sezithathela amanzi eduze,” kusitsho ucllr Nyathi.
> 𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴
𝗗𝗶𝗱𝗬𝗼𝘂𝗞𝗻𝗼𝘄 it pays to advertise with Ntepe-Manama Community Radio. You can contact us on the following details.
𝗖𝗮𝗹𝗹𝘀:0772462909.
𝗪𝗵𝗮𝘁𝘀𝗔𝗽𝗽 0779308003 𝗲𝗺𝗮𝗶𝗹:ntepemanama@gmail.com.
Follow the Ntepe-Manama Community Radio 97.0 channel on WhatsApp: https://whatsapp.com/channel/0029Vab45XdKGGGD1NN4iL3S
Come Advertise With Us.
