12 Ntulikazi 2025
Ngu Princess Mahlangu
Iqembu le Manama FC seliphume kuSocial League (Emabhuzeni) nanko ke lelo qembu seligijima ku ZIFA Matabeleland South Divison 2 yakuli sizini.
Iqembu leli selile sikhathi lidlala emabhuzeni ukungena kwalo kuDivision beku liphupho lezakhamizi kanye labadlali baleli qembu.
IManama FC abazibiza ngokuthi u’Tshaka katshayeki’ bazabebengqikilana lamaqembu adabuka eBeitbridge, Gwanda lase Sigodini.
Osabembele isihlalo sikamgcinihlalo we qembu uDumisani Moyo uthi bahlose ukuphakamisa ithalenta labantwana basemaphandleni.
“Sinanzelele ukuba abantwana bakithi balesiphiwo njalo bayathakazelela umdlalo wenguqu, ingakho sibone kungcono ukuba sibhalise iqembu leli kuDivision 2 ukuze belolonge amathalenta abo.
Sinxuse abadlali abanengi ukuze bazodlala leqembu lethu njalo labo benelise ukuthuthukisa amathalenta. Sixwayisa abantu bakithi ukuthi baxhase iqembu leli ukuze likhule liye phambili,” kubika uMoyo.
Iqembu leli lincediswa ngu Clive Moyo odabuka eGohole, ikanti abantu abafisa ukulixhasa bayavunyelwa.
IManama FC isidlale imidlalo yayo yakuqala lapho ivule isizini le Horn Mine FC 1 – 2 Manama FC.
NgoMgqibelo odlulileyo idlalele ekhaya Manama FC 4 – 3 Spitzkop Stars FC.
Lonyaka amaqembu alitshumi lanhlanu (15) abhalisile ukuba azaphatheka ku Division 2, nyakenye bekulamaqembu alitshumi kuphela (10).
