04 Nhlangula 2025
Ngu Liberty Mutamba
Kulobaba (32) oweGarikai, Gwanda ogwetshwe iminyaka engamatshumi amabili(20) ngemva kokudlwengula umntanakhe oleminyaka eyisitshiyagalolunye (9), ubaba we 32 ugwetshwe emthethwandaba we Gwanda, kuviki ephelileyo.
Ubaba lo ibizo siligodlile ubedlwengula umntanakhe endlini uma umama engekho.
Waqala ukumdlwengula ngomnyaka ka2022, lapho abefika endlini ebudlile ebesedlwengula umntwana. Ngemva kwalokho besekuyi nhlalayenza uma umama engekho.
Umtshutshisi uNgonidzashe Shumba utshele umthethwandaba ukuba, ubaba lo ubesehlala edlwengula umntwana uma umama engekho.
“Umsolwa waqala ukudlwengula umntanakhe ngo2022. Ubaba lo wabuya edakiwe ethwele ukudla komntanakhe, wamvusa wadla uthe eqeda kudla wamkhulula imphahla wase mdlwengula. Wasongela umntanakhe ukuba engabika indaba le uzamphika.
Kusukela ngo 2022 ubelokhu edlwengula umntanakhe lokhu kuze kwavela sobala ngo 2024. Lapho umama omntwana ecele ubabakazi ukuthi amkhulumele lomntanakhe. Yilapho ke eyaphuma emgodleni.
“Ubaba wabotshwa, umntwana wahanjiswa esibhedlela ukuthi ahlolwe,” kubika uShumba.
Ubaba lo, ubemiswe phambili kukamantshi uPatience Madondo omnike isigwebo seminyaka engamatshumi amabili(20) sokudlwengula umntwana.
“Umthethwandaba ukunika isigwebo seminyaka engamatshumi amabili (20), sokwephula umthetho Ka Section 65 we Criminal Law Codification and Reform Act (chapter 9:23), okhuluma ngokudlwengula,” kutsho umantshi uMadondo.
Uhulumumende sekubeke mgceke ukuba umntwana ongaphansi kweminyaka engaphansi kwetshumi lasificaminwembili 18 akumelanga aye emacansini.
Uzulu uyaxwayiswa ukubika Indaba ezinje kubaphathi, amapholisa ngokuphangisa.
