14 Mfumfu 2025
Ngu Mpokiseng Sibanda
MANAMA– Indawo ezehlukeneyo ezingaphansi kwenduna uMarupi sezakhe ubudlelwano bokusebenza ndawonye lamapholisa ngenjongo yokwehlisa, ukulwisana lobusela bemfuyo endaweni zabo.
“Injongo lephupho esilalo yikubambana kuqala thina njengesigaba ngokusukumela phezulu singumphakathi sisakha imiphatho ezasebenza ndawonye lamapholisa. Lokhu sikwenza ukuze kungabi khona okusilelayo iloba sisemakhaya amapholisa esesekhatshana lathi ukuvikela ubugelekeqe kuziqinti zezansi yemaNdebeleni yonke njengoba sihlangene u ward 15,17,18,20 lo24 kungakhethelekile uhlobo lokuganga,” kutsho uTshalimani wamakhansila uMphathiswa Ncube.
Omele inhlanganiso yeGwanda Anti Stock Theft Association (GASTA) uVictor V. Sibanda uthi amasela akumelanga abelesabelo kumfuyo
“Gijima sela uphele amandla singemuva kwakho injongo yethu yikubambana sindawonye njengesigaba sakoMarupi. Sifeza sobala iqiniso ngokusebenza ndawonye lamapholisa ukuze kubekhona iqiniso kungabuyelwa emuva size sinqobe, kubika uSibanda.
Umnu Mazibuko Moyo osuka kwenye inhlanganiso yokulwisana lobugelekeqe eKezi okuthwa yi Khozilwesizwe uthi ukubamba kuyinto enhle uma kulwiswa ubugelekeqe.
“Ukubambana kungumuthi omkhulu ezigabeni nginanzelela ukuthi lathi njengenhlanganiso siqale kungathi kubanzima sisebenza sodwa kodwa sathi ukuxhasana lamapholisa ndawonye umsebenzi wabalula ngoba sokulendlela ezinengi zokusebenzisana,” kutsho uMoyo
Omele inkamba yamapholisa eGuyu obhekane lokwephulwa kwemithetho uSibanda uthi ukwebiw kwenkomp kubanganen.
Uma sikhangela emabhukwini ethu sithi ubusela buyehla, kukanti abalimi kabacebi ezinkambeni ngemonakalo lezehlakalo ezibakhona ezigabeni zabo okudinga ukuthi abadala bangadinwa kodwa bahlale bebika ukuze sihambe ndawonye sisazi okukhona ezigabeni njalo sinanzelela ukuthi kulinyanga kubekhona ubugelekeqe bomkhosi wokuhlinzwa kwenkomo koMbuzimbili lokubanjwa kwembuzi eSinayi, njalo okunye siyabe sisithi izifuyo kazikho ngenxa yesomiso esibekhona ngomnyaka odluleyo”.
Uqhubeka ekhuluma lomsakazo kazulu esithi,”ngiyakhuthaza abalimi ukuthi inkomo zitshiswe umtshiso wamadibha kanye leyethu esilayo kuhle icace ukuze ingasihluphi lapho sesithe sahlukuluzwa ngamasela njalo nxa sebekhona abathe babanjwa akuyiwe enkantolo siyencedisa ukuze amasela angasiphunyuki aphinde azohlasela,” kutsho uSibanda
