28 Mfumfu 2025
Ngu Mpokiseng Sibanda
SELONGA -Inhlanganiso ye Humanitarian Hope International isi qeqetshise abafundi kuzifundo ezitshiyeneyo zezandla ezigoqela iBaking, Nurse aid, first aiders kanye leMortician. Kuqeqetshe abafundi abangamatshumi amane.
UMqondisi wenhlanganiso le uDr Advocate Qhubekani Ngwenya uthi baletha izifundo lezo ukuzophakamisa abantu base maphandleni, njalo betshiye izidakamizwa.
“Thina siyi HHI sihlose ukuthi sehlise ukusetshenziswa kwezidakamizwa ezigabeni ezehlukeneyo ikakhulu kuntsha esakhulayo, njalo bathole okuzabaphilisa ekukhuleni kwabo,” kutsho uNgwenya.
Uqhubeke ekhuluma lentatheli yomsakazo esithi sebeqhubile phose izigaba ezinengi zomhlubulo weGwanda ezigoqela i Datata, Sibona, Simbumbumbu, Mapate, Kafusi, Ntalale, Madihongola, Garanyemba kanye leSelonga-Thibeli kukanti abanye sebehle bathola amathuba okuyangena eValley side funeral palla le Exodus.
“Sijonge ukutshiya intuntuko enhle njalo ebonakalayo ezigabeni ngokwenza imisebenzi emihle kuzulu wonke ngenhloso yokwakha isizwe,” kutsho uNgwenya.
“Ngithanda ukubonga Inhlanganiso ukuthi ayiqhubeke ngokuletha ezifundo ezinje, ukuze bonke abasakhulayo lasebekhulile benelise ukuzisiza empilweni ngoba lokhu kuhlanganisela abafinyeleleyo kuzinga laphezulu lemfundo labangenelisanga ngoba kuphatheka wonke umuntu,” kutsho uKhansila wesigaba uEmnanuel Makhabane Ndlovu.
Omele abantu be Gwanda South edale le phalamende uDr Omphile Marupi unikeze abatsha inqobe yokuba bathathele phezulu inhlelo ezibathuthukisayo ukuze benelise ukuziphakamisa.
“Kuyinto enhle njalo ejabulisayo ukuhlanganyela emisebenzini etshiyeneyo yabatsha bezinikela langokunanzelela ukungena kunhlelo ezibuyayo ezigabeni. Abatsha nxa bephatheka kuhle ngona babalekela izidakamizwa. Ngibonga ukuxhasana kobukhokheli besigaba ukhansila, amasobhuku, ababalisi kanye lenhlanganiso yeHHI kunhlelo lezi,” kutsho uDr Marupi.
