30 Lwezi 2025
Ngu Liberty Mutamba
Ugatsha olukhangele ngezempilakahle lokunakekelwa kwabantwana abancane lukhangelele ukuletha ijekiseni yeLenacapavir ngomnyaka ozayo. Ijekiseni le izabe incedisa abantu ukuthi bengabambi igciwane le HIV.
Ijekiseni le izabe isebenza njenge Pre Exposure Prophylaxis (PrEP), njalo yona izabe ihlatshwa kabili ngomnyaka.
ILenacapavir ngeyinye yendlela esesizatshenziswa ukwenqabela ukubanjwa ligciwane leli. Unga hlatshwa ijekiseni le iyabe izancedisa amasotsha omzimba ukuba ungabanjwa yigciwane leli.
Okhangele ugatsha lezempilahlake uDr Douglas Mombeshora ubike ukuba ijekiseni le izaqala ukunikwa uzulu ngo mnyaka ozayo, mahala.
ILizwe leZimbabwe selibalwe kumazwe ahamba phambili ekuletheni inhlelo zokwehlisa ukumemetheka kwegciwane leli.
“Ijekiseni le izabe incedisa uzulu ukuthi angabambi igciwane leHIV/AIDS ngesilinganiso se 99 phesenti. Ijekiseni le izabe ihlala isikhathi eside emzimbeni andubana iphelelwe ngamandla ngakho umuntu munye ukhangelelwe ukuba uyabe ehlatshwa kabili ngomnyaka,” kuchaza uMombeshora.
Ugatsha lwe National AIDS Council (NAC) selulethe inhlelo ezingeni kuzulu ezifana leSista2Sista, iHatshi esigabeni Sami(Not in my Village) ezihlose ukwehlisa ukumemetheka kwegciwane kuzulu. Kuthi njalo itshaya intambo kubantu abaphila legciwane leli, nanko pela i95 phesenti yabantu besazi isimo sabo, 95 sebengenile kuhlelo lwamaphilisi kuthi 95 phesenti bale viral load esesimeni esiqondileyo.
