Ngu Jonah B Moyo
GWANDA– Kulendoda eleminyaka engamatshumi amahlanu lambili(52) edabuka esigabeni sePhumelela eFilabusi ngaphansi kweNduna uMaduna esigwetshwe iminyaka engamatshumi amabili ngemva kokubamba abazulukulu bayo ababili iganyavu, omncane oleminyaka elitshumi lambili(12) omkhulu uleminyaka elitshumi lantathu (13).
Kubikwa Indoda leyi phakathi kuka Lwezi 2025 lo Nhlangula 2026 yayilokhu ihlukumeza umzukulu wayo omkhulu uleminyaka elitshumi lantathu (13) imbamba iganyavu.
Yabamba umzukulu(13) iganyavu kane endaweni ezehlukeneyo, lezondawo zibalisa esibayeni senkomo, ngekhaya, emasimini lasemkulwini.
Kubikwa ukuba mhlaka 4 Nhlangula 2026 wavalela omncane oleminyaka elitshumi lambili(12) endlini yokulala wamupha izibiliboco waqeda lapho wamhlukumeza ngokumbambabamba izitho zomzimba.
lndoda le yayithi ingababamba ibethusele ngokuthi bengatshela loba ngubani izobabulala.
Lasuka lamtshonela ke emini ngolunye usuku lapho ke umzukulu(12) owasuka wacela enyaweni wabalekela emzini kababakazi wakhe lapho aluma ubabakazi indlebe ngezehlakalo zangekhaya.
Indaba yahle yabikelwa amapholisa zahle zamkhalela undoda wokubamba iganyavu, abazukulu bahanjiswa esibhedlela ukuyahlolwa.
INkantolo yeGwanda Regional Magistrates Court yathola ukuthi indoda(52) ilecala, yasimgweba iminyaka elitshumi lambili (20 years) ukuthi wabamba iganyavu yaphinda yamgweba eminye iminyaka elitshumi lambili(20 years) ukuthi yayihlukumeza abazukulu ngokuba bambabamba.
Indoda leyi ibizapika iminyaka engamatshumi amane(40) kodwa inkantolo yasisithi indoda leyi amacala ayi amabili izawapikela ngesikhathi esisodwa okokuthi izapika iminyaka engamatshumi amabili.
Abe National Prosecuting Authority baxwayisa uzulu ukuthi alwisane lokuhlukuyezwa kwabantwana abancane ngezocansi ngabantu abahlala labo, njalo wonke ohlukumeza abantwana ngezocansi uzayetheswa icala ngumthetho.
