Ngu Jonah B Moyo
Amadoda amabili aweChitulipasi eBeitbridge uBrighton Sibanda(33) lo Reason Sibanda(33) bagwetshwa iminyaka eyisitshiyagalo lunye(9) yinkantolo ye Beitbridge ngemva kokutshontsha inkomo ezimbili zikamakhelwane.
Ugatsha lwe National Prosecuting Authority of Zimbabwe lubika ukuthi phakathi kuka Nhlangula lo Ntulikazi 2026 amadoda amabili lamanye amadoda angakatholakali baza lecebo lokuthi betshontshe inkomo zikamakhelwane wabo uMberengeni Ndou ngoba inkomo zika Ndou akula muntu ozelusayo.
Lawa madoda angena igusu aya emadlelweni enkomo afika athinta inkomo zika Ndou ezimbili, bazibopha basebezithwala ngenqola ka Brighton bayazithengisela umama okuthiwa ngu Magret Sibanda.
Lesi siga esaqhutshwa ngamadoda lawa saphumela egcekeni ngemva kokuthi omunye wabahlali wakulowo mango wancweba umnikazi wenkomo ezatshonsthwayo uNdou ukuthi inkomo wazibona ngaphi, uNdou wahle wayifaka ezandleni zamaPholisa amadoda lawa amabili ahle abotshwa abanye babo abakatholakali.
Inkomo Zika Ndou ezazitshontshiwe bazithola zabiselwa kumnikazi.
Abe NPAZ bakhuthaza uzulu ukuthi ubusela bezifuyo kulicala elikhulu, njalo kutshiya abanikazi bezifuyo bemadolonzima ngoba izifuyo yibhanga labo. Amasela ezifuyo azahlangana lomthetho ngokugcweleyo ukuze bathole ukujeziswa.
