BY LIBERTY MUTAMBA
COMMUNITY REPORTER
NTEPE- Ukukhwela kwentengo yomhluzi (petrol le diesel) sokutshiye osamabhizimusi abaseZansi yema Ndebeleni bemadolo nzima.
Intengo yomhluzi elizweni lakuleli ikhwele emavikini adlulileyo.
Uhulumende uchaze ukuba lokhu kubangelwa yikuba umhluzi uthengwa phandle kwelizwe.
Lokhu sokukhathaze osomabhizimusi kanye le zakhamazi ezilabantwana abafundayo abahamba nsukuzonke ngemota esikolo ngoba izikolo zikhatshana lemizi yabo.
Intathelizindaba ye Ntepe-Manama Community Radio ixoxisane losomabhizimusi othwale abantwana besigabeni seGuyu ebasa ezikolo zeNtepe uMnumzana Noel Mbano oveze ukuthi ukukhwela kwentengo yomhluzi sekubisela ibhizimisi lakhe emuva.
“Ukukhwela kwamafutha emota sekungilimazile kakhulu, kathesi sengize ngidlulwa ngumuntu osebenzela isigaba nje ngoba yena loba engatholanga okuncane isigaba silakho ukuzuza emandleni akhe. Mina kuleyi inyanga ngisebenzela ize sibili.
“Abadala bebeyandise ukubhadala ngezinyanga- ngezinyanga okwaleyi inyanga imali yakhona ayiyenelisi ukuthi ngisebenze inyanga yonkee ngoba yonke imali iphelela kuPetrol kuphela, eyokuthi Mina lemuli yami sidle ayisekho”.
Omunye wabo so mabhizimusi oleBhawa esiqintini sakoVela umnumzana Kein Mthembu ukhale ngokuba ukukhwela kwentengo yomhluzi labo kubakhubaza ekuthini impahla abazithengisayo baziwoda emadolobheni amakhulu.
“Ngijayele ukuzihambela ngemota yami ukuyawoda utshwala eNtepe Business Centre ngoba iDelta ayifiki eceleni lakithii kodwa kathesi sekunzima ngoba imali iyahle iphelele emoten ngizama ukuthela umhluzi.
“Lapho ebengithenga khona umhluzi bengijwayele ukuthela i5litres nge R120 okwammanje sekufuneka R180 ukuze ngithole i5litres kungaqhuba kunjee so umangoye uyalala eziko sibili.”
UObey Ncube oyisakhamuzi ebesikhangelele ukugada siye emadolobheni uthe lokhu sekubalimazile kakhulu ngoba sekunzima ukuthi angene edolobheni abambe isikhathi njalo uthe ukukhwela kwamafutha ezimota sekungadala ukuba lendleko zokuhamba lazo zikhwele okuzakhalisa inengi lemaphandleni.
NMCR#2022
