BY MTHABISI TSHUMA
HEAD OF CONTENT
MAPATE- Ukulungiswa kwemigwaqo nguHulumende esigabeni seMapate kuliviki sokujabulise izakhamuzi.
Emalangeni adlulileyo isimo besesimi kubi emgwaqweni lapho bekungasahambeki obesekungabangela ingozi zemigwaqo.
Intatheli zindaba yeNtepe Manama FM, ikhulume lomtshayeli womtshina wokulungisa imigwaqo (iGrader) uMnumzana Sibanda othe:
“Njengenkampani ye IGFTY sisekelwa ngu Hulumende sizabe silungisa imigwaqo endaweni zaseGwanda South.
“Lokhu kuzavikela izingozi ezingabangelwa yimigwaqo efileyo” kutsho uMnu Sibanda.
Usomabizimusi njalo eyisakhamuzi seMapate uMnumzana Lovemore Nyathi uveze ukusuthiseka lapho esithi:
“Besengihambela evalweni okwesela ngisesabela isitsha sami (imota) ngoba imigwaqo yakithi ifile ilamagodigodi abangelwe yizulu elanayo.
“Okwamanje ngizizwa ngilokuthaba njalo ngilenkangelelo yokuthi ngabe basilungisela imigwaqo yethu ngobunengi indawo yethu ibukeke” kulandisa uMnu Nyathi.
“Ngivuke ngizibuza ukuthi ngumdumo wani lo engiwuzwa ekuseni kangaka kungabe kuyisigayo sika mfowethu, kodwa hayii cha lumdumo uvelela entshonalanga usiya empumalanga.
“Kungabe kuyini na? Mangithi lungu ngibona hayi ngumtshina wokulolonga imigwaqo. Ngizwe ngibusiseka kabanzi ngoba ibisifile imigwaqo yakithi kutsh,” kutsho uThapelo Matshazi oyisakhamuzi.
Inkokheli zeMapate uMahopolo lo Makhurane bazitshaye izifuba ngentuthuko eyenzakala esigabeni sabo.
“Nthali nha Makhurane kea thahala kamata, kuqale kulibholoho okwamanje imigwaqo hayi indawo yami iyathuthuka ngempela sokulula lokuthi abavela kude basethekelele,” kutsho uHeadman Nyakallo Makhurane.
Ukhansila uJairos Mahopolo uthe:
“Mina umsebenzi wami ngowokuletha intuthuko esigabeni sethu, mangikhuluma izinto zenzeke ngiyajabula kakhulu.”
NMCR#2022
