BY KWAKHIWE DUBE
COMMUNITY REPORTER
SENGEZANE- Abafuyi besigabeni seSengezane bakhangelele ukuqondana lobunzima obukhulu bamanzi ezifuyo lapho umfula omkhulu uTuli ususitsha amanzi isikhathi sisaseside kakhulu ukuthi izulu line.
Ensukwini ezidlulileyo like lana izulu kodwa okungatsho lutho.
Ekhuluma lentatheli zindaba yomsakazo weNtepe Manama omunye wabafuyi uThemba Moyo uthe lonyaka kuzaba nzima kakhulu ezifuyweni ngenxa yamanzi.
“Lonyaka sizahlangana lodubo olukhulu kakhulu lwamanzi ezifuyo kulandela ukungagcwali kahle komfula wethu uTuli kungakho amanzi aseleyo mancane kakhulu angeke afikise ebusika,” kutsho ubaba uMoyo.
Egcizelela ngaloluhlupha ubaba usobhuku uRichard Dube uthe babhekane lobunzima enyangeni ezibuyayo.
“Lonyaka abafuyi bazabhekana lobunzima obukhulu bamanzi ezifuyo kanye lawokunatha ngoba izulu alisananga ngendlela.
“Kusele amachibi angatsho lutho emfuleni njalo azaphela masinya ngoba kulempompi ezinengi eziwampompayo ziwasa endaweni ezitshiyeneyo” kutsho ubaba uDube.
Ugcizelele ngokuthi uHulumende akangenele avuselele amadamu abhidlizwa lizulu ngomnyaka ka2017 afana leleGuyu le Tshongwe ngoba abelusizo ezifuyweni.
NMCR#2022
