NGU SIPHATHISIWE NCUBE
Inhlanganiso yeNational Aids Council (NAC) elwisa ukumemetheka kwegcikwane leHIV le AlDs elizweni, isikubeke kwaba mgceke ukuba abakhethi njalo abatshiyi mhlobo kunhlelo zokuvikela leli gcikwane, nanko ke isifinyelela labasema gudugudwini.
Inhlanganiso le isebenzisana le Centre for Sexual Health and HIV and AIDS Research (CeSHHAR) sebefinyelele ukungena emigodini, endaweni zokuzi lizibazisa, emgceleni we lizwe belwisana lokumemetheka kwalu mkhuhlane.
Evikini edluleyo iNAC iqhubane le ntathelizindaba, ibonisa imisebenzi emihle esiyenzwe yinhlanganiso esiqintini se Zansi yemaNdebeleni.
Umnumzana lsaiah Abureni oselungela ukuthatha umhlalaphansi ku NAC ubike ukuba basebenza ngamandla, bekhankasela njalo befundisa uzulu ukuba azivikela kugciwane leHiV le Aids.
Kuloluhlelo bebekhuthaza abantu ukuthi bayehlolwa igazi kuthi labo abatholakale belegciwane leHlV bebaphathise ukuba bathole usizo kumakilinika lezibhedlela eziseduze ukuze bangene ehlelweni bathole amaphilisi.
“Ngokunanzelela ukuba sekulendawo ezingama Hot-Spot ekumeme methekiseni igciwane leHIV ikakhulu edolobheni leGwanda lapho okugcwele otsheketsha abayibo abahuga omama bebusuku (sex workers). lnhlanganiso yakubona kufanele ukuthi ilethe duze imfundiso mayelana lokusebenzisa ijazi lapho sebesiya emacansini.
“Ekulwiseni ukumemetheka kwegcikwane besifinyelela labesonto labenkolo ezitshiyeneyo, otsheketsha, abatshayela amagonyethi, sixoxisane labo sibafundise ngegciwane le HIV kanye lendlela zokuzivikela, sibakhuthaze ukuhlolwa igazi kuthi ke labo abatholakala belegciwane sibafake kuhlelo lwe ART,” kutsho uAbureni.
Phambilini uzulu ebenatha amaphilisi bephinde bewatshiyele endleleni, ngemfundiso sebesemukela ngesihle. Lokhu kubonisa ukuba inhlelo esiziqhubayo ziluncedo kakhulu ngoba sekulontshintsho ekumemethekeni kwegcikwane esigabeni seZansi yemaNdeleni.
Inhlanganiso yeNAC ibumbe amaqembu akhokhelwa ngontanga ekukhankaseleni ukumemetheka lokuzovikela kugciwane leHIV, lokhu bakubone kungumqondo okhaliphileyo ngoba abantu bazwisisisana njalo bemukela lula uma befundiswa ngumuntu okuzinga lesimo esifana lesabo. Lokhu kuyancedisa kabanzi ukuba bemukele ukuhlolwa benathe lamaphilisi kuhle.
INAC igqugquzela uzulu ukuba ahlolwe igazi njalo angene kuhlelo lwe ART lapho esethe watholakale eselegcikwane. Ilizwe likhangelele ukuba kungabi lokumethetheka kwegcikwane le HIV ngo2030.
