17 Nkwenkwezi 2024
Ngu Mcebisi Ncube
GWANDA Amapholisa esabelweni seZansi yemaNdebeleni adinga uMduduzi Sibanda owePikinini eGwanda South ocatshangelwa ukuthi ubulele uLuke Nyathi ngemva kokumtshaya kabuhlungu ekhanda ngensimbi.
Isikhulumeli samapholisa eZansi yemaNdebeleni UNkosikazi Loveness Mangena uthi lesisiga
senzakale emadabukakusa ngoLwesibili ezitolo zeKafusi.
“Kulodaba esiluphenyayo olokubulawa kondoda oleminyaka engu40, sidinga umsolwa uMduduzi Sibanda obaleke ngemva kwalesi siga.”
UMangena ukhuthaze uzulu ukuthi abikele amapholisa aseduze nxa engambona uMduduzi.
Uthi basaphenya njalo okudale ukuxabane kwababili laba lokuthi kungaba labanye abalesandla kuloludaba.
Ukhuthaze uzulu ukuba axazulule inkinga zakhe ngokuthula.—𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴
