17 Nkwenkwenzi 2024
Ngu Milton Mashasha
Ababona ngezempilakahle lokuhlanzeka ezigabeni balungiselela ukuqhuba uhlelo lokwakhiwa kwezambuzi kuward 12 ePelele lapho okukhangelelwe ukuthi imizi yonke ibilesambuzi ukuze kuvikelwe umikhuhlane engabangelwa yikuswelakala kwazo.
Umsakazo kazulu uxhumane loAron Dube onguVillage Health Worker esigabeni sePelele koMbirwane othe sebeqalisile umsebenzi wokudweba izambuzi.
“Sesiqalisile ukuhamba sihlola amagodi ezambuzi lokubadwebela izilinganiso kulabo abangakagebhi, njalo ngesifiso sethu sifuna ukuthi wonke umuntu abe lesambuzi emzini wakhe ukuze senqabele imikhuhlane, ngoba nxa kungela zambuzi igcekeza iyagcwala iganga lonke okucina kubangela ukumemetheka kwemikhuhlane ikakhulu eyesihudo enjengeCholera.
“Umsebenzi lowu oqhutshwayo uvela komkhulu kwezokuhlanzeka kuward 12 uEnvironmental Health Technician (uEHT) uMarvis Steven. Sisungula loluhlelo lolu eminyakeni edlulileyo besinika abantu munye ngamunye izamende ezintathu kuthi bengezelele ngesisodwa besebezakhela izambuzi, kodwa okwathesi angikabi kwazi ngokugcweleyo ukuthi kuyathiwani ngimelele ukuzwa ngaye uMarvis Steven, “kutsho UDube.
“Umsakazo ukhulumisane loSibekithemba Ndlovu oyisakhamuzi othe segebhile igodi lesambuzi.
“Bafikile bekhangela amagodi bathole sengigebhile. Ngifuna ukuba lami ngibelesambuzi ukuze ngenqabe imikhuhlane etshiyeneyo,” kusitsho uNdlovu.—𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴
