24 Nhlangula 2024
Ngu Milton Mashasha.
Ukuganyulwa kwezihlahla zemvelo kubikwa sekusezingeni elikhulu endaweni yePelele, lapho izakhamizi zigamula zibiya amasimu besenza lenkuni, lesisenzo sitshiya inengi lihlalele evalweni lokuvuleka kwenkangala esigabeni kanye lezinye ingozi ezinjengokugugudeka komhlabathi.
Umsakazo kazulu iNtepe Manama Community Radio Station ixhumane lomnumzana Right Mabanga ongumphathisigaba sakuleyondawo lapho othe izihlahla lilifa okufanele lilondolozwe ngokuzigqaja langobunono obukhulu.
“Satshiyelwa ilifa ngabokhokho bethu, lokhu kwavela kumdali lathi kumele sitshiyele abazazalwa, Izihlahla ziqakathekile kakhulu njalo ziyimpilo, ziyasivalela nxa kulomoya omnengi ukuze izindlu zethu zingakhukhulwa ngumoya kumbe ngamanzi,. Abantu kumele bahloniphe imvelo hatshi ukugamula Izihlahla mahlayana bebulala umhlabathi,” kusitsho u Mabanga.
Ukhuthaze uzulu ukuthi nxa egamula kagamule elonanzelelo lokulondoloza izihlahla.
“Nxa umuntu egamula kagamule lapho lalapho hatshi okokucenta etshiya kuligceke njalo ungagamula hlanyela esinye isihlahla ubisele osikhiphileyo. Asigamuleni sikwazi ukuthi abantwabentu bazafuna labo izihlahla njoba lathi sathola zikhona”.
UMike Sibanda oyisakhamuzi sePelele uthe abantu kabayekele ukugamula izihlahla okungela nhloso.
“Abantu kabatshiyane lokugamula izihlahla mahlayana nje ikakhulu laba abagamula loba ukutshisa izihlahla ezinkulu njalo lezimanzi bedinga inkuni kungangcono bagamule izihlahla ezomileyo kutsho umnumzana Sibanda.
UMnuzana Sipilung Sibanda uthe ngesikhathi esadla ngolutsha izihlahla ezinkulu zazihlonitshwa.
“Ngeskhathi sikhula izihlahla ezinkulu zazizila ukuganyulwa bebesitsho njalo abadala manje kulezisuku uyathola abantwana abancane betshisa izihlahla ezinkulu bezi wisela phansi kumbe bezingenela bezigamula bengaboni ububi. Ngakho ke ngiyakhuthaza abantu ukuthi batshiyane lokugamula izihlahla mahlayana nje,” kusitsho uSibanda.
UThabeleng Sibanda uthe inhlonipho yezihlahla seyatshabalala lamazolo ayisekho.
“Asisela nhlonipho leyana esasilayo kudala sesigamula zonke izihlahla ezinkulu. Kasisalandeli amasiko ethu yikho okwenza lokuguquka komkhathi kubangela ukungani kuhle kwezulu,” kusitsho unkosazana Sibanda. @lesegoโ๐ต๐๐๐๐-๐ด๐๐๐๐๐๐ญ๐ด
๐๐ถ๐ฑ๐ฌ๐ผ๐๐๐ป๐ผ๐ it pays to advertise with Ntepe-Manama Community Radio. You can contact us on the following details.
๐๐ฎ๐น๐น๐:0772462909.
๐ช๐ต๐ฎ๐๐๐๐ฝ๐ฝ 0779308003 ๐ฒ๐บ๐ฎ๐ถ๐น:ntepemana@gmail.com.
Come Advertise With Us.
