19 Mfumfu 2024
Ngu Mpokiseng Sibanda
Ward 15- ABALIMI bezigaba ezibalisela iPulipeli, Selonga, Zwabagwamba, Maphula, Thibeli kanye le Nkalange sebezuze isikuba esivela kuMongameli uEmmerson Mngangagwa okuzancedisa kabanzi izifuyo ezikhangelane lendlala engazake ibonakale kuminyaka eminengi eyadlulayo.
Ukuphiwa kokudla kwezifuyo kulethe injabulo kubalimi abazimiselayo ukuba beqoqe indlela zokuyathatha lokhu kudla eplazini likaMongameli Mnangagwa okuthiwa yiPricabe Farm eKwekwe.
“Ngemva kokuba lethuba lokuthola ukudla kwenkomo kusenze saba lethuba lokuphefumula kancane ngoba indlala le inkulu endaweni yokuthi izifuyo besezingasela okokudla ezinengi zisifa ngenxa yesomiso sendlala lokuswelakala kwamanzi.
“Okwamanje sesikwanisa ukuthi siziphe ukudla ziye egangeni ziphinde ziphenduke zingasahambanga umango omude oyiwo ozithamulayo,” kutsho umama uMzenzi Ndlovu.
Ongumeli weGwanda South Constituency edale lePhalamende umhlonitshwa uDr Omphile Marupi eyazisa umphakathi, ubonge kabanzi ukubambana kwezakhamizi, izisebenzi zikaHulumende lenkokheli zomdabu ukuze isikuba sifike eGwanda South.
“Ngithanda ukubonga abalimi bekhokhelwa yizisebenzi zeAgritex, amakhansila kanye lobukhokheli bomdabu lapho behlanganise izindlela zokuba isikuba lesi sibuye.
“Ngithanda ukubonga uMongameli Mnangagwa ngokusipha lokhu ukudla kwezifuyo,” kutsho uDr Marupi.
UNkosikazi uLorraine Gwatinyanya uthe kuqakathekile ukuba abalimi balime ukudla kwezifuyo bekhangele indlela indlala ebhadle ngayo kumnyaka ophelileyo.
“Ngikhuthaza abalimi ukuthi njengoba sesibonile umonakalo wokuswelakala kokudla kwezifuyo, kumele sikulime lokhu ukudla ukuze izifuyo zingahlupheki njalo zingafi.
“Lokhu ukudla laloba kubizwa ngolimi lokwebolekwa okuthiwa yi silage njalo isilinganiso sokupha isifuyo akumelanga sidlule i2kg,” kutsho uNkosikazi Gwatinyanya.
Ukhansila u Emmanuel Makhabane Makhabane Ndlovu uthe:
“Ngizwa gisiba lokuthokoza nxa abalimi bephakamela phezulu njalo bebambisana lobukhokheli obukhona okutshengisa ukuthi sisonke siyaphumelela”.
> 𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴
𝗗𝗶𝗱𝗬𝗼𝘂𝗞𝗻𝗼𝘄 it pays to advertise with Ntepe-Manama Community Radio. You can contact us on the following details.
𝗖𝗮𝗹𝗹𝘀:0772462909.
𝗪𝗵𝗮𝘁𝘀𝗔𝗽𝗽 0779308003 𝗲𝗺𝗮𝗶𝗹:ntepemanama@gmail.com.
Follow the Ntepe-Manama Community Radio 97.0 channel on WhatsApp: https://whatsapp.com/channel/0029Vab45XdKGGGD1NN4iL3S
Come Advertise With Us.
