Crime and Court Desk
18 Nkwenkwezi 2026
Ngu Liberty Mutamba
ESIGODINI– Ukwehluleka ukuzibamba kunkanuko zasemasacansi sekufake uSolomon Phiri (akuso bizo) oleminyaka engamatshumi amahlanu lanhlanu(55) entolongweni okweminyaka elitshumi lanhlanu(15) ngemva kokubamba umzukulu wakhe iganyavu ole minyaka elitshumi lane (14).
Nyakenye ngoNhlangula uPhiri wabalomcimbi emzini wangakibo lapho ke umzukulu lomamakhe babekulowo mcimbi. Umama ubehamba losane olusamunya, kuthe sekumnyama umama wayalalisa usane endlini kamalume, watshiya umzukulu lo omkhulu ukuba alukhangele lulele.
Umalume uPhiri wafika endlini wathola usane luhlezi esitulweni wafika wathi “Buya ngapha, ungumfaz wami” edonseza umzukulu embhedeni.
Uthe seqedile wamtshela ukuthi indaba le, engayithi Vuu. Indaba ize yaphuma sobala lonyaka ngoNhlolanja ngemva kokuba umama sebone utshintsho kumntanakhe. Yilapha umntwana atshela umzali ukuba uzithwele njalo isisu ngesika malume uPhiri
Umalume uPhiri umiswe ethethwandaba phambili kukamantshi lapho umtshutshisi uZanele Sithole abikele umthethwandaba ukuba uPhiri wabamba umntwana iganyavu lokhu kuphambanisa usection 65 (1) ekusisekela sombuso welizwe ekhuluma ngokubanjwa iganyavu kwabasakhulayo. Umthethwandaba unike uPhiri isigwebo seminyaka elitshumi lanhlanu.
Isigameko sikamalume lo, siza ngemva kokuba ingatsha ezifana le National AIDS Council, amapholisa, izinduna zilwisa ukwendiswa lokumithiswa kwabantwana abancane.
