Ngu Mpokiseng Sibanda
Buvuma-Bekungabizwa ozwayo kumidlalo yebhola kwabezinga laphansi lwemfundo lapho obekuhlangene izikolo eziyisithupha ngeviki edluleyo. Izikolo ebezikulomncintiswano zibalisa iBuvuma, iSelonga, iSukwe,iDombo iNkalange, kanye leTshanyaugwe. Lezizikolo beziqhudelene kumidlalo yebhola etshiyeneyo.
Abafundi bebezilolonga emidlalweni ehlukeneyo efana leVolley ball, Handball, iNetball, Tennis ball, iQuiz, ibhola likanobhutshuzwayo kubulili bonke.
Ababalisi labazali bebekhuthaza abantwana ukuthi badlale ngobuqotho, ukubambisana, lokuhloniphana, lapho abafundi abanengi betshengisa isibindi lamandla okuzimisela kumidlalo le.
Umphathisikolo weDombo Primary umnu Tsepiso Kulube uthi imidlalo ihlose ukudala ukuzwisisana phakathi kwabafundi
“Emidlalweni le sikhuthaza ukuthi abafundi babekwazi ukuthi ukunqoba akusikho kuphela okuqakathekileyo, kodwa ukuqinisa ubungane, ukusebenza ndawonye, kanye lokuthuthukisa impilakahle yomzimba njalo wonke umuntu kumele azizwe enqobile ngoba usefunde izinto ezintsha,” kutsho uKulube
Uqhubeke egqugquzela ukuziphatha lobuntu phezulu kwabafundi labazali,
” ngikhuthaza ukuthi abantwana kabaqhubeke bethanda ezemidlalo ngoba zakha impilo enhle, ukuzithemba, kanye lobunye phakathi kwabantu,” kusitho uKulube
Abaqeqetshi labo bathi bayelisa ukubona abafundi abalesiphiwo abengelisa ukuyaba mela kumncintiswano ezayo.
“Imidlalo yenza abafundi bafunde ukubambisana, ukuzimisela, lokuhlonipha abanye kungakhathaliseki ukuthi banqobile loba hatshi sinanzelela izifundo esiziphiweyo ngokwakha iqembu elizasimela siyicluster kutsho uLithule Nhliziyo ongomunye wabaqeqetshi,
“Imidlalo yeCluster izaqhutshelwa eGaranyemba kuyabe kugoqela
amaclusters agoqela iSelonga, Nhwali, Manama triangle, Nhlamba,Garanyemba, Ntalale-Tshongwe,Gungwe leHalisupi”, kutsho uConvener weSelonga Cluster uMemory Sibanda.
ITshanyaugwe inqobile kumidlalo yamankazana ekanobhutshuzwayo
