Ngu Liberty Mutamba
Kulebhasi eyenze ingozi kwele South Africa isizafika eBeitbridge kwafa umtshayeli kuthi abantu abalitshumi lanye balimala ngendlela ebuhlungu.
Ibhasi ibithwele abantu abangamatshumi ayisithupha lanhlanu.
Ibhasi le, ibisuka eDurban ithwele abahlali bakuleli bebalekela umkhosi odalwe yi ‘March and March movement’ lapho abantu benikwe u 30 Nhlangula njengelanga lokucina behlala kwele South Africa.
Abantu abanengi sebelahlekelwe yimisebenzi njalo abasela ndawo zokuhlala.
Umkhosi lo, “Abahambe” uhlose ukuxotsha abantu bonke abangela ncwadi ezikwanileyo zokuhlala KweleSouth Africa ukuthi bebuyele emazweni abo.
Abantu abafika 5 000
sebeyenelise ukuphuma kwele South Africa besebenzisa umngcele weBeitbridge bencediswa ngu Hulumende, kuthi abadlula 35 000 bazibuyele bebalekela lowo mkhosi.
Ugatsha lwezemfundo seluxwayiswe ukuthi luncedise abantu abavela eSouth Africa ukuthi beqhubeke ngemfundo.
Umkhosi lo, lokhu uqhubekela phambili kweleSouth Africa
