04 Mbimbitho 2025
Ngu Milton Mashasha
Ugatsha olubona ngamalungelo abathengi, labathengisi iConsumer Council of Zimbabwe (CCZ) luqhuqhuzela uzulu ukuba abekwazi amalungelo aphathelane lokuthenga lokuthengiselana kwempahla.
ICCZ iqhube lumkhankaso kulandelwa ukusungulwa komthetho we Consumer Protection Act chapter 14:44 ngomnyaka ka2019. Umthetho lo ulandula ukuqilibezana, ukungcindezelana, ukuthengiselwa into engayiso, lokunye njee. Umthetho lo unika uzulu imvumo yokubisela impahla ezitolo uma engasuthiseki ngayo, njalo umathengisa abhale ngokugcweleyo impahla ayithengisayo.
Ekhuluma lentatheli yomsakazo kazulu eNkabazwe, uNkosikazi Fungayi Zinyanduko oweConsumer Council of Zimbabwe (CCZ) obona ngokufundiswa kukazulu ngamalungelo abo njengabathengi ubike ukuba balemithetho evikela lokwenqabela abathengi ukugcindezelwa lokuqilibezelwa.
“Njengogatsha LweCCZ silomthetho awabunjwa ngo2019, (Consumer Protection Act Chapter 14:44 ovikela abathengi ukuze kube lokuwelelana phakathi kwabathengi labathengisayo kungabi lokugcindezelana lokuyephula lomthetho”
“Uzulu ukhululekile ukusazisa nxa bengaphathwanga kahle ngabathengisay.kumbe obona lumthetho uyephulwa kasibikele njenge khansili. Sivame ukubhoda lengcweti zethu sikhangela sixwayisisa lokucubungula ukuthi limthetho iyalandelwa yini njalo iyalandelwa kahle?” kulandisa uNkosikazi Zinyanduko.
ICCZ ibone kuqakathekile ukuthi ihambise lowu mbiko ngesikhathi ugatsha luka Hulumende olubona ngezeMvelo, Umkhathi, leNyamazana zaseNdle(Ministry of Environment climate and Wildlife) lukhangela impahla ezimemethikisa uku guquka komkhathi eziphuma ezitolo.
Impahla ezinye zibangela ukuguquka komkhathi, ikanti uzulu uyabe engazi.
Ugatsha lolu lubika ukuba impahla ezinjengama fridge, Air conditioners lezinye impahla ezodonsa umlilo zilomu muthi (Substance) elimaza umkhathi.
Leyo Substance iyaqonga iyedunga (izone layer) okucina kuletha isikhudumezi esikhulu. Ingakho ke lolu gatsha lukhankansela ukuba uzulu engasebenzisi impahla ezifuna amandla amanengi. Uzulu uxwayiswa ukuba asebenzise impahla ezithatha
umlilo omncane njalo ezingadungi umkhathi.@lesego.
> ๐ต๐๐๐๐-๐ด๐๐๐๐๐๐ญ๐ด
๐๐ถ๐ฑ๐ฌ๐ผ๐๐๐ป๐ผ๐ it pays to advertise with Ntepe-Manama Community Radio. You can contact us on the following details.
๐๐ฎ๐น๐น๐:0772462909.
๐ช๐ต๐ฎ๐๐๐๐ฝ๐ฝ 0779308003 ๐ฒ๐บ๐ฎ๐ถ๐น:ntepemanama@gmail.com.
โFollow the Ntepe-Manama Community Radio 97.0 Group on WhatsApp: https://chat.whatsapp.com/FM9CMb7F1K83o8KDR5Z0LX
Come Advertise With Us.
