BY DYLAN NAR
COMMUNITY REPORTER
MASHABA – Abogatsha lukahulumende olumela amalungelo abomama olweWomen Affairs, Community, Small and Medium Enterprises Development bathi udlame olubhekiswe kubomama kumele luphele ezindlini kube lokuhlalisana.
Lokhu kuvele lapho kunanzwa ilanga eladlulayo elabomama bephandleni olwe International Rural Women’s Day.
UMqondisi wogatsha lwabomama lolu esiqnitini seGwanda uNkosikazi Sipho Maphosa uthi inani labomama abahlukuluzwayo ezindlini luqongile ngesikhathi sokuvalwa kwelizwe okweLockdown.
“Ngaphandle kwabomama akula muzi kungakho omama bangamehlo lentamo yemizi ngokunjalo kumele baphathwe ngendlela eqondileyo hatshi ukuhlukunyezwa, ikakhulu ngalesisikhathi uzulu ebhekane lomkhuhlane weCovid-19.”
Uphinde wathi omama kumele basungule inhlelo ezizabalethisa inzuzo ukuze baziphilise lezimuli zabo hatshi ukuhlala belindele ukuthi benzelwe ngobaba.
“Omama kumele bafunde ukuzenzela kanye lokuzimela besekelwa ngamalungela abo hatshi ukulinda ukuthola lonke usizo kubobaba. Lokhu kuyancedisa labafelwakazi ukuthi benelise ukusala bekhangela imuli zabo. Omama bayaxwayisa ukuthi bathathele inhlelo ezinengi phezulu ezinjengezombuso, ukulima ema irrigation kanyelamakilabhu,” kutsho uNkosikazi Maphosa.
Lonyaka lelilanga linanzwe phansi kwesihloko esithi “Rural women cultivating good for all” , outshot ukuthi omama bemaphandleni yibo abalimela isizwe kungakho kudingeka ukuthi basekelwe.
UNkosikazi Emily……olilunga logatsha lwezokulima olweAgritex uthi uhulumende uzimisele ukusekela omama bemaphandleni kwezokulima
“Lingakhathazeki bomama ngemithi kanye lenhlanyelo, sizalisiza ukuthi kulinywa ziphi izilimo ngezikhathi ezitsheyeneyo ukuze linqobe izibungu.”
UNkosikazi Uphethile Mguni ongumlimi uthi njengabomama bamephandleni babhekane lodubo lokuswela laphoa abangathengisela khona izilimo zabo.
“Njengabalimi sibhekene lokuswela lapho esingathengisela izilimo zethu Okunye okusihluphayo yikuswela izimota ezitshovisayo ukuzesithwale izilimo zethu kanye lemithi yokufafaza izilimo zethu ukuze zingangenwa ngumkhuhlane,” kutsho uMguni.
Umnumzana Tompson Makhalima ongukhansila kaWard 19 utshayele omama abangabalimi ihlombe abe Mankonkoni le Rustlers Gorge ngesivuno abalaso.
Inengi labomama kulombuthano litshengisa intokozo enkulu ngemva kokufundiswa amalungela abo.
