By Alert”7K”Wadenda Ndlovu Community Reporter.
Intuthuko iqhubekela phambili esigabeni seGungwe emva kokubana iqembu elizimele lodwa eleWorld Vision linikele ngempahla yokudonsa amanzi kalula emigodini esikolo seGungwe Primary.
Impahla leyi igoqela amajojo tank amabili,elilodwa lilesilinganiso samalitha alitshumi lezinkulungwane,izinsimbi zokuwakhela izingalane,amasola kanye lamathumbu okuhambisa amanzi.
Beziphansi phezulu izakhamizi zigebha imigodi yalapho okuzohamba khona amathumbu wamanzi.
Izakhamizi zithe ziyalujabulela lole hlelo ngembhangela yokuthi abantwana besikolo sebezothola amanzi wokuthelela isivande sesikolo kalula,amanzi wokuhlamba izandla azoba seduze lezambuzi Kanye lembuzi zesikolo sezizothola amanzi ngokwaneleyo.
Usabhuku uChimendu Makhurane utshayele izakhamizi ihlombe ebonga ukubambisa kwabo ekuphutshiseni uhlelo.
“ngiyabonga ngothando langokubambana kwesigaba okwenze lumsebenzi waphuthuma.Lolu hlelo soluzangezelela amathuba wokufunda, abantwana besikolo abasayi kudinga amanzi esifuleni uBhungapunga”, etsho uSabhuku Makhurane.
Uphinde wagcizelela wathi,”njengoba sisazi ukuthi igcikwane lecorona alikaphelisisi,amanzi wokugeza izandla awasayikuhlupha njengoba esezotholakala ezimpompini ezizofakwa phose kuzo zonke izakhiwo zokufundela kanye lasezindlini zababalisi.” etsho uSabhuku Makhurane.
Omunye wabosabhuku besigaba uThuso Wadenga ubonge ukuzimisela kwabazali,ogogo,okhulu kanye lentsha ethe yazimisela ekuncediseni kulomsebenzi.
Ababalisi labo abasayikuthwala nzima besiya ezibholaneni,amanzi sebezowakha duze leminyango yezindlu zabo.
