By Dylan NareCommunity reporter
MLAMBAPHELI – Osakhulayo uMthusi Nare owalimala edlala ibhola ubhubhele esibhedlela ngemva kwamalanga amabili kulandela ukulimala kwakhe inkaba.
UMthusi, obeleminyaka yokuzalwa elitshumi lasitshiyangalombili walimala lapho iqembu lakhe lidlala leleSinukani kodwa waqhubeka edlela ibhola kungenani lokulimala kwakhe.
Esinye isakhamuzi uMnu Andrew Ndlovu uthi lisisehlakalo sitshiye inengi lingela mathe.
“Kungimangalise kakhulu, umufi ebengumuntu osakhulayo njalo ukudlula kwakhe kuyadabukisa. Kuthe ngemva komdlalo uthethe amalanga amabili nje efuthelwa wasetshona .Isimanga nje esikhulu yikuthi laloba bamkhaba isibhono waqhubeka edlala waze waphela umncintiswano.Ubuhlungu bubuye bamkhulela ngamandla amakhulu ngemva kokuba umdlalo uphelile njalo lobu buhlungu benza labazali baphatheke kakhulu.”
Lesi sehlakalo silakho ukudala ukuthi inengi labasakhulayo lingasathakazeleli umdlalo wenguqu oyindlela yokukwejisa emakhaya.
