14 Ntulikazi 2023
Ngu Jonah B Moyo
Sebele minyaka esiyithupha abahlali beRamonoana, kweleZansi yedolobho leGwanda bengela ndawo yamanzi, lokhu kwenza abahlali bakulowo mango bathwale izibindi ngezandla ekumemethekeni kwemikhuhlane.
Izakhamizi zibika ngenhliziyo ebuhlungu ukuba zenza imidwendwe emide kusikotsho esisodwa, leso sikotsho senelenisa ukusiza ingxenye yesigaba andubana siphele amanzi.
UBoikokobetso Moyo oyisakhamuzi kulesisigaba uthi isimo abahlangana laso sifaka impilo yabo engozini.
“Sivuka empondo zankomo sisiya dinga amanzi sisesaba ukuthi sizaphela singela manzi ekhaya. Abavukela emuva kuvamile ukuthi bathola inkonxa eyodwa zwi. Sihlalele engozini enkulu lapha kwele Mapate,” kubika u Moyo.
Esinye isakhamuzi se Ramonoana u Pamela Kagaye uthi umfula ukhatshana ngakho besaba imikhuhlane enjenge Cholera le Diarrhoea.
“Umfula ose duze ngu Tuli abakha emfuleni lehlekana ebale lenqola inengi liswela amanzi ngakho imikhuhlane enjenge Cholera ilakho ukusibamba esigabeni sethu,” kubika uKagaye.
Abalimi labo bathi inkomo le imbuzi zihamba imango ukuze zithole amanzi ikakhulu ngesikhathi somqando lesokutshisa.
Umsakazo kazulu uxhumane loSobhuku we sigaba uLiseli Tlou obike ukuba indawo yabo iwomile njalo ayibambi manzi. Ulesifiso ukuba indawo yabo ifakwe izikotsho ezinengi ukuze abahlali bathole amanzi afaneleyo.
“Indaba yamanzi sesiyi khulume kanengi. Kuke kwabuya amankampani ambalwa ezogebha kwabehlula”
“Sifisa ukuba sidonselelwe amanzi esuka emfuleni, ngoba izikotsho ziyaphela amanzi,” kugqiba usobhuku.
Labo abafuna uku Advertiser amabhizimusi abo lingasithinta kulezi nombolo,
calls: 0772462909. WhatsApp: 0779308003. email: ntepemana@gmail.com
Hlaba i link elandelayo ukuze ungene ku WhatsApp Group yethu
