9 Ncwabakazi 2023
Ngu Kwakhiwe (The General) Dube
SENGEZANE- Beziqudelene ezesigaba sikaWard 14 ngempelasonto kumidlalo yenguqu ehuge intsha, kukhunjulwa uDoniter Moyo umdlali owehlelwa yingozi yomgwaqo evela esikolo, kunyanga edlulileyo.
Abadlali beSengezane batshengisa ukudabuka okukhulu mhla womngcabo, lapho ithunzi elimnyama lehlele umdeni wako Moyo, lathatha uDoniter.
UDoniter bekuyi ndoda esakhulayo ethanda ezenguqu, watshaywa yibhasi evela esikolo seNtepe high, watshona khonapho.
UOmphile Marupi uxhasane loKhansila kaward 14 uPhineas Maphosa beduduza umdeni njalo bevala amanxeba, ngokwenzela intsha imidlalo yenguqu.
Abadlali labalandeli benguqu bakhethe ukuqala bavakatshele lapho okulele khona omunye wabo bayemupha inhlonipho yokuthula (Moment of silent) andubana baqale imidlalo yabo.
Bekukhona amaqembu ayisikhombisa kunhlangothi zonke zamadoda labesifazane. Kubobaba bebekhona abeSengelona FC , Bhalula FC, Bethel FC, Paye FC ,14 FC , Ntepe FC kanye leCornerline FC.
Ikanti kubomama bekule Sengezane, Cornerline, Thulishumbaz, Samlodi,Ntepe kanye Bhalula.
Umqeqetshi weqembu leSengezane uSdumo Tshuma uthe kwaba buhlungu ukutshiywa ngumfana obehlakaniphile kungakho yikho ezahlala ekhunjulwa mihla yonke.
“Kubuhlungu okwasivelelayo kwakungolwesihlanu lathi labanye abafana bami bebhora sesilungiselele ukuyoziqinisa enkundleni yethu kwafika ucingo olwasethulela indaba ezibuhlungu. Saxega amadolo kuthwa umfana usesitshiyile kungakho kee njenge muntu obethanda ibhola, njenge qembu sayazila lomdeni ngelanga lomngcwabo sakhetha ukuthi sigqoke izigqoko zebhola. UMarupi lo Khansila uMaphosa basithembisa ukusiduduza ngaleyi iGala,” kutsho ubaba uTshuma.
UMarupi ukhuthaze abahlali ukuthi lolusuku bangalugqibeli bahlale besenza leyi imidlalo minyaka yonke bekhumbula omunye wabo.
“Ngesifiso sami ngifisa nga kuyahlala minyaka yonke kusenziwa leyi imidlalo yokukhumbula uDoniter kungakho lami ngithembisa ukuphathisa ekududuzeni abangane bakhe ngemidlalo” kutsho ubaba uMarupi.
Ukhansila uPhineas Maphosa uthe ubonga ukubambisana okukhona endaweni ngakho ukhuthaza ukuthi kuhlale kunjalo kungapheleli lapha.
Kuleyi midlalo bekulemiklomela efana lemali inkezo kanye lamabhola lapho eyasekhaya emadodeni iSengelona itshaye yabhuqa zonke kuthi kubomama iSamlodi layo yenze ngokufanayo.Ntepe-Manama FM97.0
Labo abafuna uku Advertiser amabhizimusi abo lingasithinta kulezi nombolo,
calls: 0772462909. WhatsApp: 0779308003. email: ntepemana@gmail.com
Hlaba i link elandelayo ukuze ungene ku WhatsApp Group yethu
https://chat.whatsapp.com/Hi7whkU94RL2KRxHblUZUM
