Ngu Liberty Mutamba
Umgcinisihlalo we Gwanda Rural District Council uClrr Mphathiswa Ncube sekhethwe ukuba ngumsekeli kaMongameli we Association of Rural District Council of Zimbabwe (ARDCZ).
IARDCZ isikhokhelwa ngu Dr Aaron Shamu we Goromonzi Rural District Council.
Kunyanga ezimbalwa ezidlulileyo uNcube wakhethwa ukuba abengu mgcinisihlalo we ARDCZ, kwelezansi yamaNdebeleni, ngeviki ephelileyo wakhethwa ukuba abengumsekeli kaMongameli welayonhlanganiso.
Umgcinisihlalo weBulilima Rural District Council uCouncillor uLand Ndebele nguye osengumgcinisihlalo we ARDCZ kwelezansi yemaNdebeleni.
Inhlanganiso le isileminyaka efika amatshumi amathathu (30) isebenza, yasungulwa ukuba incedise ama Councillors awe Rural Districts ukuba bethuthukise izindawo, ukulungiswa kwemithetho yeRural District Council. Imithetho esungulwa ngaphansi kwe ARDCZ ixazululwa ephalamende.
Umsakazo kazulu uxhumane lo Mphathiswa Ncube ongene kukhetho kungela mphikiso.Utshengiswe ukujabula okukhulu ngemva kwalolu khetho.
“Okwakuqala ngakhethwa ukuba ngumgcinisihlalo we Gwanda RDC. Kwabuya ukhetho lwe Province lwe ARDCZ ngaba ngumgcinisihlalo lapho weProvince. Kathesi sengingu msekeli kaMongameli wale inhlanganiso ilizwe lonke. Ngithabe kakhulu, angila mazwi okubonga uzulu ngokungithemba ngibonga lama Councillors ngalokhu,” kutsho uNcube
UMsekeli kaMongameli uthe uzasebenza ngokuzikhandla njalo ethuthukise ukuphathwa kwama councillors lezindawo ezitshiyeneyo.
“Ithuba leli lizancedisa ikakhulu eGwanda lapho ama Devolution funds abephuza ukufika. Lokhu kubisela ingqubekela phambili, lentuthuko emuva. Kukanti lama councillors katholi ngendlela. Ngizagqugquzela ukuba ama RDC athole amafunds ngendlela ukuze benelise ukuthuthukisa izigaba zabo. Njenge ARDCZ siza kwenza kube mqoka ukuba ama devolution funds azabuya ngesikhathi, njalo ama RDCs abalendima enkulu ku National Body. Sizabenza lama RDCs onke ukuze sithuthukise amakhaya wonke jikelele,” kutsho uNcube.
IARDCZ yavulwa kulandelwa isisekelo sombuso welizwe le RDCs ‘s Act chapter 29:13
