09 Nhlolanja 2024.
Ngu Liberty Mutamba.
Picture: Izakhamizi zeNyandeni.
Izakhamizi zeNyandeni kwele Gwanda North, zithwele amathumbu ngezandlaย ย ngemva kokuba uhulumende eqale ukuphenya abantu abahlala endaweni ezingekho emthethweni.
Uphenyo lolu luza ukuzosekela umthetho womhlabathi kahulumende (State land). Umthetho lo uthi kulicala ukuhlala loba ukulima ku (State land) ungela ncwadi ezikwanileyo.
Abazali be Nyandeni bathi bavuka ngoLwesibili beluqondise emhlanganweni wesigaba, lapho abafika bezwa ukuba inengi labo bahlezi endaweni bengela ncwadi ezikwanileyo. Yilapho abangena khona emoteni yamapholisa besiya lungisa amaphepha abo, bafika bavalelwa enkambeni yamapholisa eGwanda.
Umsakazo kazulu uxhumane lezakhamizi emthethwandaba eGwanda, lamuhla. Lezizakhamizi bezizonde zigane unwabu ngendlela ezathathwa ngayo, njalo zisevalweni lokuba balakho ukufulathela umhlabathi abakhulele kuwo. Omunye wabo ngu Throlip Nkala.
“Besibizwe kumhlangano we Lands, ngemva komhlangano sezwa kuthwa singene emoteni yama pholisa sizobona Umqondisi we Lands lapha eGwanda. Samangala sesilala enkambeni yamapholisa amalanga amabili. Sithwale nzima ngoba bekungela ndawo yokulala, indlala lendawo yokuzisiza ibingekho nhle.”
“Mina eNyandeni ngahlala ngo 1982, ngaphansi kophahla luka baba kwathi ngo 2008 ngakhuluma lo khansila, resettlement officer, lo chairman bangitshayela ihlahla eceleni kuka baba. Namuhla ngihlalele evalweni ngoba bathi silakho ukutshiya amathuna lenkaba zethu lapha. Siye kweyinye indawo esingayaziyo,” kutsho uNkala.
USibusisiwe Moyo uthi udidekile ngesahlakalo somhlabathi, njalo uphenyo lolu lufaka impilakahle zabantu encupheni.
“Umthetho lo usizwisa ubuhlungu kakhulu, ngoba nxa ngizakhitshwa la, ngiyaqonda ngaphi? Kuzaba nzima ukuba sitshiye imizi yethu, kutsho lesikolo sizavalwa kungasela bafundi.”
“Akusithabisanga ukutshiya abantwana bebodwa emakhaya, sizo gcinwa emapholiseni, sibuye singela lutho abanye ngabakuhlelo lwama philisi, ikanti abanye balabantwana abancane. Kulomkhuhlane weCholera nxa sizagcinwa enkambeni kungela manzi singalunga yini?”kutsho uMoyo.
Abasakhulayo labo bakhala ezimathonsi ngendaba yomhlabathi, uEdfill Moyo uthi kabasakwazi ukuba bazaphephela ngaphi.
“Sifisa ukulungiselwa incwadi ezikwanileyo ngoba okukhanya belamaphepha akwanileyo ngabantu abadala kuphela. Thina besinikwa indawo eceleni kwabazali sithembe ukuthi bazasilungisela amaphepha lanamuhla sesitshitsha emthethwandaba asikwazi ukuba bazathini, ngodaba lwethu,” kutsho Moyo
Abemthethwandaba bathe izakhamizi ze Nyandeni ziphenduke enkundleni mhlaka 23 Nhlolanja, njalo baxwayiswe ukuba baveze incwadi zonke abalazo eziqondane lezimizi yabo.
Abantu abafika phose amakhulu amabili bebese mthethwandaba (180). Uphenyo lolu luqhutshwa ilizwe lonke. ๐๐๐๐๐๐.๐
โโโโโโโโโโโโโโโโโโโโโโโโโโโ
#๐๐ถ๐ฑ๐ฌ๐ผ๐๐๐ป๐ผ๐ it pays to advertise with Ntepe-Manama Community Radio. You can contact us on the following details.
๐๐ฎ๐น๐น๐:0772462909.
๐ช๐ต๐ฎ๐๐๐๐ฝ๐ฝ 0779308003 ๐ฒ๐บ๐ฎ๐ถ๐น:ntepemana@gmail.com.
Click the link below to join our WhatsApp Groups.
https://chat.whatsapp.com/Hi7whkU94RL2KRxHblUZUM
Come Advertise With Us.
