12 Mabasa 2024
Ngu Milton Mashasha.
Izakhamizi zeGwanda South zikhuthazwe ukuthi zibikele amapholisa ukwebiwa kwezifuyo okwenzakala ezigabeni zabo ukuze kuvikelwe udubo oselubhahile lokutshontshwa kwezifuyo.
Umhlangano lowu uqhutshelwe endaweni yase Bolamba lapho obekuthe gwaqa izakhamizi zisuka emawadini agoqela uward 11,12, anye lo16.Umbuthano lowu ubungowokuvikela ukutshotshwa kwezifuyo. Ubuqoqwe yiziphathamandla zamapholisa ze Anti Theft Crack Team ezigoqela uAssistant Commissioner Mbengwa onguye okhokhela iqembu lelo njalo enguCo-ordinator, lo Assistant Commisioner Thebe enguSenior Staff operations, Kanye lo Chief Supritendent Mandlenkosi Moyo enguActing Officer Commanding oweMatebeleland South kanye losupritendent Philisani Ndebele oweBeitbridge.
Kulumbuthano bekukhona iziphatha mandla zikahulumende Kanye labakhokheli bezomdabu. Bekulomhlonitshwa uHonourable Dr Omphile Marupi onguMP njalo enguMsekeli kaMinister of Information leNduna uKetso Mathe.
UDr. Omphile Marupi ukhuthaze ukuthi uzulu asebenzelane ndawonye lamapholisa ukuze kungqotshwe izigilamkhuba esezibhahile ngokutshontsha izifuyo.
“Asisebenzeni kuhle lamapholisa ukuze ubunzima lobu elikhangelane labo njenge zakhamizi buphele. Ngiyezwa njalo ukuthi kulezikhalazo ezibuyayo zokuthi kulamanye amapholisa angasebenzi kuhle asebenzelana ndawonye lezigilamkhuba betshotsha izifuyo zikazulu.
“Ngicela lisize ngokunika amapholisa konke abazabe bekudinga ukucubungula lokudingisisa amacala lingabafihleli lutho njalo lingesabi ukubatshela nxa bengenzi kahle,” kutsho uMarupi.
Ubuye njalo wahlafuna ngodaba lokuphuza kwamapholisa ekuphenyeni amacala alethwa nguzulu kubo, kanye lokungabotshwa kuhle kwezigebengu.
“Ngizwa izakhamizi zisithi amapholisa ayaphuza ukufika kumbe ukuphendula nxa kukekwabikwa icala njalo bakhona abantu abadala amacala ebusuku ezigabeni betshaya abantu bengabotshwa babuye babonakale emavinkilini bezinathela utshwala kungani akulacala abalenzileyo, ngakho ke ngilethemba namuhla uzulu uzaphendulwa ezikhalazweni zakhe ngoba silazo iziphathamandla zomthetho lamhlanje,”.
Obesuka ehofisini leRegistry emele iDistrict u Princess Ndlovu uthe kuqakathekile ukuthi inkomo zibelomtshiso kanye lempawu.
“Sikhuthaza uzulu ukuthi aqakathekise umtshiso kanye lempawu ezifuyweni zabo.
Kudingakala isithupha sakomsitheli ukuze uzulu athole umtshiso ngentengo ephansi,” kutsho Ndlovu.
Kukanti obona ngokulondolozwa kwezifuyo ezilahlekileyo obesukela eRural district Council uthe izakhamizi zihlale ziqaphele imibiko yezifuyo eyabe ivelela kubo njalo zingaphuzi ukulanda izifuyo zabo.
“Siyaphiwa inani lezifuyo ezilahlekileyo ngamapholisa sazise uzulu ukuthi ngelanga elithize sizathengisa lezo zifuyo,kungaswelakala abanikazi sesithengisa kodwa umnikazi angabuya siyabisela imali kulowo othengileyo sinikeze umnikazi isifuyo sakhe ,” kutsho obesuka ekhasilini iRDC.
UAss Comm Mbengwa okhulume kabanzi ekhuthaza amapholisa ukuthi asebenze umsebenzi wabo ngokuthembeka basize uzulu.
“Njengo mkhokheli weqembu lokulwisana lokutshontshwa kwezifuyo ngithi asifuni inswelaboya nxa sikhangela emapholiseni sifuna abantu abathembekileyo ngakho ke sifuna ukukhipha phakathi kwethu abangaqhubi umsebenzi wabo ngemfanelo.Ngakho ke uzulu kabone ukuthi uyabika konke okusolisayo ngabomthetho kanye lokunye nje okusolisayo ezigabeni zabo kusikhulumeli sethu samapholisa asazise,” kutsho uAss Comm Mbengwa.
” Asisebenzeni labakhokheli bomdabu ukuze siqede konke lokhu ,bakhokheli yenzani amabandla liyenze lemihlangano lamaphoyisa libatshele iqiniso lokubabuza ukuze balincedise.Bumbani amaqembu wokulinda ebusuku azabe etshintshana ukulinda.
Uqhubeke esithi, “Isibaya siqakathekile kakhulu , izifuyo azilale esibayeni,asikhangeleni izifuyo zethu ngonanzelelo njalo zifakwe umtshiso lamacici kanye lamabhela, “.
UAss Common Thebe uthe kuyadanisa ukuzwa uzulu esithi kasela themba kwabomthetho ngenxa yokusebenza kwabo.
“Uzulu seswela ithemba kithi abomthetho ngakho ke ngiyakhuthaza amapholisa ukuthi asisebebenzeni ngamandla sitshiyane lokukubambana lezigangi silondoloze isibaya selizwe, “.
” Kwesinye isikhathi abantu esibaqatshayo yibo abasitshotshelayo,asiboneni ukuthi siqatsha abantu abayibo esikwaziyo ukuthi basuka ngaphi bangobani,” kutsho u Ass Comm Thebe.
Ukhuthaze abantu abadala ukuthi bayekele ukubandlulula abantwana abasakhuluayo ngokubabamba iganyavu ngoba sekuyinhlala yenza amacala asesanda.@lesegoβπ΅ππππ-π΄πππππππ΄
