04 Phuptjane 2024
Ke Reaboka J Nare Ward 12 Focal Person
Baahi ba motse oa Madiphuluhulu ba tobane le mathata a metsi a nang le sekoti se le seng feela se fanang ka matlo a 70 le mehlape ea liphoofolo.
Moahi ea buileng le seea-le-moea sa sechaba sa Ntepe Manama Khumbulani Sitiboli are “ketso ea metsi e tšoenya motseng hoo e bileng ea baka likhohlano tse ngata har’a baahi ba motse ba loanelang metsi.”
“re tloaetse ho lema empa sekoti se hloleha ho fana ka metsi a lekaneng hobane se lula se omella nako le nako.
re le sechaba re bokella chelete ea ho cheka borehole bo bong ho fihlela joale re bokelletse r3000 ea r30 000 e hlokahalang,”arealo Sitiboli.
Mme mohatse Moffat Mlilo a re” re le bomme re fetsa nako e ntsi re le mo metsing re felela re ea koa malapeng a rona bosigo mme se se tsenya matshelo a rona re le bomme mo diphatseng.Se mpefatsang boemo ke hore re pompa leruo hore le noe le ho lata ho jeoa ke batho”, arealo Mme.
Prosper Mlilo o buile ka tlhokahalo ea hore “sechaba se etse time table ho fokotsa tšubuhlellano le likhohlano tse bakoang ke metsi.metsi a theoha letsatsi le leng le le leng ‘me mehlape e qeta nako e ngata e batla metsi e entseng hore e theohe ka lebaka la khaello ea metsi le lijo,”arealo Mlilo.
Hlooho ea motse Isaac Hleza o tiisitse hore ehlile ho na le khaello ea metsi bakeng sa mehlape le moahi .”Re na le sekoti se le seng feela se fanang ka matlo a 70 le liphoofolo tse ruiloeng ‘me sena se qalile ha letamo la Madiphuluhulu le phunyeha lilemong tse ling tse fetileng,”arealo moetapele.
Sechaba sa Madiphuluhulu se kopa bohle ba amehang hore ba tle ‘me ba kopane ka matsoho ho fana ka mehloli ea metsi e tlisitseng boemo ba tšabo ho baahi.—𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴
