04 Nhlangula 2024
Ngu Pinky Moyo (Ward 13 Focal Person).
GWANDA SOUTH -Ukuswelakala kwamanzi kuthwalise izakhamizi zika Ward 13 amagabha avuzayo osekufake impilo zabo engcopheni ngoba sebenelisa ukuthola amanzi angahlambulukanga okungabangela imikhuhlane elubhubhane efana lesihudo.
Amanzi adonswa emgodini otshonayo okungabangela ukulimala kwabantu ngoba esekhatshana. Lokhu sekutshiye abahlali bakuleyondawo belomthwalo ophezulu kwamandla abo ngoba bethembele emgodini ukuthi bethelele izivande, ukunathisa izifuyo zabo kanye lokuthi basebenzise emakhaya abo.
Kubikwa izifuyo ezinengi sezike zawela emgodini lo zizama ukuthi zithole amanzi okunatha lokhu sekwenza izakhamizi ezinengi zihlalele evalweni lokuphelelwa yizifuyo zabo.
UEmily Moyo oyisakhamuzi uthe kudingala ukuthi izakhamizi zincediswe ukuze kube lula ukuthi zithole amanzi.
“Bekungumbono omuhle nxa umgodi lo ungalungiswa ube yiskotsho ngoba ulamanzi amanengi njalo abantu bangasizakala,”kutsho uMoyo.
Ukhethiwe Ndlovu uthi udubo lwamanzi lumlethela ukuhlulukelwa ngoba amakhisimusi esemanengi akusamvumeli ukuthi athole amanzi ngaloluhlobo.
“Sengimdala umzimba awisamvumeli ukuthi ngisebenze nzima ngakho ke isimo samanzi lesi esikuso singithwalisa nzima ngoba kangisela mandla okudonsa amanzi emgodini otshonayo ngakho ke besicela kubameli bethu ukuthi bangenele kuloluhlupho lolu esibhekane lalo,” kutsho uNdlovu.
Omele iGwanda South constituency edale lephalamende uDr Omphile Marupi uthe uxoxisana logatsha lwe Lands, Agriculture, Water, Fisheries and Rural Development ukuthi baxazulule udaba lwamanzi.
“Ngixoxisana loMinister wezokulima njalo sengthembisile ukuba umsekeli wakhe uDavis Marapira leqhula lakhe bazavakatshela indawo yase Garanyemba lezinye indawo ze Gwanda South bebona ukuthi uzulu engancediseka njani ukuba athole amanzi,” kutsho uDr Marupi.
Izanuse zomkhathi zibika ukuba isomiso senzwa yisomiso esikhulu se EL-Nino induced Drought. Isomiso lesi bathi sebangelwa yokuguquka komkhathi njalo abantu bathole izulu lesivuno esincaneβπ΅ππππ-π΄πππππππ΄.
