BY ALERT “7K” WADENGA NDLOVU
COMMUNITY REPORTER
GUNGWE – Amantombazana emaphandleni sekhuthazwe ukuthi bengabi ngamabele endlela kodwa aziqhenye ngobuntombi babo ukuze babelekusasa enhle.
Ekhuluma emhlanganweni wabesifazane oqhutshwe yinhlanganiso yeDreams uNkosazana Ruth Mathe olilunga lalinhlanganiso ukhuthaze abasakhulayo ukuthi bazihloniphe ukuze baphile impilo engcono.
“Imbeko, inhlonipho lokuzimisela ezifundweni zabo kumele kube yizinto eliphila lazo mihla ngemihla, “ kutsho uNkosazana Mathe.
Amantombazana akhuthazwa ukuthi aziqhenye ngobuntombi babo.
Ugogo uAlmer Sebata laye ongene lumhlangano ulaye abasakhulayo esithi kumele bengangeni emaguswini lapho bephuma esikolo.
“Mina abami abazukulu bayakwazi ukuthi nxa bephuma esikolo baqala ngokuza ekhaya, bengaqeda imisebenzi yasekhaya sebengayazidlalela.
Angifuni bekhule bengamahlongandlebe ngoba isikhuni sitshisa umkhwezeli.”
Abazali bakhuthazwe ukuthi bengahlukumezi izingane kodwa bengaziphathi okweqanda ukuze lalapho zisehlelwa zingozi zokudlwengulwa ziyenelise ukubika kibo.
Linkuthazo iyethulwe ngesikhathi inani lamantombazana azithwala esesikolo liqonge okumangalisayo ngesikhathi sokuvulwa kwelizwe ngeLockdown kubangelwa yikuqhamuka komkhuhlane weCovid 19.
